影片
更多
2020-03-07
644 瀏覽
Aqua #尖沙咀❗️$198望住維港嘆高級日法fusion餐廳❗️Restaurant week真係有好多好抵嘅Offer🤩呢間平時閑閑哋一個主菜都要幾百蚊嘅餐廳，依家$198就可以食到3 course lunch menu😍😍😍環境裝修靚不在話下，食物質素都幾高，真心抵！Lunch Menu入面有多種選擇，但大部份都要加錢，不過食到窮嘅我哋就冇揀到任何要加錢嘅食物🙊雖然份量唔大，但味道真心有驚喜❤️❤️❤️！先送上麵包🍞有別一般嘅餐包，係芝士條同埋薄脆片，配上hummus，作一個簡簡單單嘅開始💞。之後到美味嘅前菜。兩個前菜都非常突出，甚至比主菜更勝一籌🙊！Yellowtail carpaccio with salmon roe and ponzu jelly 薄切油甘魚配三文魚子及酸汁水晶🍣油甘魚油香味重，但一啲都唔膩。特別欣賞三文魚子非常鮮甜，係我人生中食過最甜嘅三文魚子❗️❗️❗️一啲都唔腥。側面嘅水晶啫喱唔單止金碧輝煌🧡而且仲酸酸甜甜，完全豐富咗成道菜嘅口感同埋味道，絕對係一個望落簡單，食落豐富嘅刺身。味道: 4.3/5Bean curd in dashi with Japanese veg
❗️$198望住維港嘆高級日法fusion餐廳❗️
Restaurant week真係有好多好抵嘅Offer🤩呢間平時閑閑哋一個主菜都要幾百蚊嘅餐廳，依家$198就可以食到3 course lunch menu😍😍😍環境裝修靚不在話下，食物質素都幾高，真心抵！
Lunch Menu入面有多種選擇，但大部份都要加錢，不過食到窮嘅我哋就冇揀到任何要加錢嘅食物🙊雖然份量唔大，但味道真心有驚喜❤️❤️❤️！
先送上麵包🍞有別一般嘅餐包，係芝士條同埋薄脆片，配上hummus，作一個簡簡單單嘅開始💞。
之後到美味嘅前菜。兩個前菜都非常突出，甚至比主菜更勝一籌🙊！
Yellowtail carpaccio with salmon roe and ponzu jelly 薄切油甘魚配三文魚子及酸汁水晶🍣
油甘魚油香味重，但一啲都唔膩。特別欣賞三文魚子非常鮮甜，係我人生中食過最甜嘅三文魚子❗️❗️❗️一啲都唔腥。側面嘅水晶啫喱唔單止金碧輝煌🧡而且仲酸酸甜甜，完全豐富咗成道菜嘅口感同埋味道，絕對係一個望落簡單，食落豐富嘅刺身。
味道: 4.3/5
Bean curd in dashi with Japanese vegetables 日本蔬菜豆腐湯🍲
唔好以為係普通嘅蔬菜湯，其實完全唔似一個湯🤯重點係舊豆腐，成道菜以豆腐為中心，再配以雜菌同埋少許油。豆腐亦唔係普通軟豆腐，你係富有魚香味、甚為彈牙嘅魚豆腐，外層再炸到微脆💕確係有驚喜！
味道: 4.2/5
Penne all’arrabbiata with taggiasca marinated olives and pecorino di fossa 意大利辣番茄長通粉配黑水欖及羊奶芝士🍝
呢個意粉算係咁多道菜中相對遜色🙈主要以番茄醬同埋芝士汁調味，聞落好香，但食落味道欠奉，而且通粉亦都有少少硬身，一般。
味道: 3/5
Pan fired Japanese black pork with ginger teriyaki 豬肉生姜燒🐷
呢個豬肉燒就好味得多🥰雖然貌似吉野家豬肉飯，但個燒汁香濃夠甜，用上日本豬肉，半肥瘦，夠晒入味。特別在於巧妙地配上加有沙律醬嘅洋蔥，同個燒汁撈埋一齊，更為creamy🤩又喺一道望落普通食落有驚喜嘅菜。
味道: 4.3/5
Mango panna cotta 芒果奶凍🍮
最後呢個奶凍簡直係完美嘅結束🥰異常地creamy，簡直好似慕絲咁🤩芒果同奶香味同樣突出，再配上香桃同埋芒果汁，一碗完全唔夠喉！
味道: 4.3/5
整體來講，個環境真係世界級，講真$198食個環境已經夠晒抵，冇諗過連食物質素都唔錯，完全係Restaurant week必食餐廳❤️❤️❤️！
整體性價比: 4.8/5 (restaurant week)
薄切油甘魚配三文魚子及酸汁水晶
272 瀏覽
0 讚好
0 留言
意大利辣番茄長通粉配黑水欖及羊奶芝士
148 瀏覽
0 讚好
0 留言
豬肉生姜燒
61 瀏覽
0 讚好
0 留言
芒果奶凍
46 瀏覽
0 讚好
0 留言
張貼
