新潮發海鮮菜館

營業中

休息中

嚟到長洲一定要坐喺海旁一路望住風景一路嘆新鮮嘅海鮮餐。套餐入面有二三十款海鮮或小菜，選擇多好抵食。油鹽水蜆簡單嘅油鹽水煮法已經將蜆肉嘅鮮味帶出嚟，墊底嘅粉絲吸收晒湯汁嘅精華，鮮甜可口。豉油皇煎蝦調味適中香氣撲鼻，蝦肉爽彈充滿豉油嘅咸香十分惹味。避風塘魷魚魷魚炸至金黃色，肉質彈牙結實，配搭爆香嘅蒜蓉同辣椒，夾帶著濃濃嘅蒜香同惹火嘅辣味。例湯係粟米魚肚羹，清甜美味，比一般的例湯更足料，老少咸宜。食咗咁多邪惡嘅海鮮，梗係叫返嗰時蔬balance 下。