影片
更多
2021-09-20
743 瀏覽
「望住青馬靚景下午茶，甜點好食過鹹點🫖」琴日去咗馬灣挪亞方舟酒店嘅餐廳食下午茶🥂之前嚟過馬灣幾次，都覺得喺呢度食嘢好正，對住個海景同埋青馬大橋一定冇得彈😍今次就過咗嚟試佢限定月份嘅下午茶🫖一入到餐廳嘅格局係好普通嘅酒店餐廳，裏面大約分咗兩邊，一邊就係普通跟Menu食飯丶下午茶嘅位置，一邊就係自助餐～環境唔算特別優雅🥸不過我哋訂嘅時候專登order左坐窗邊位，所以我哋可以望住海灘海邊同埋青馬大橋個景😋一路欣賞美景，一路食下午茶😍😍不過如果你唔坐窗邊位，坐卡位梳化位嘅話，其實對住窗口都會見到景色嘅，只不過相對地冇咁近啫～🖼呢個價錢係包左普通餐飲，入到黎餐廳店員就急忙咁問我哋飲餐飲😥😥叫咗兩杯凍檸茶，好快就黎到，不過有一杯嘢飲嘅匙羹有啲污糟，而且味道非常難飲🤢所以之後我都淨係飲咗水⋯雖然係平日過嚟食，但係都有唔少人一家大細丶情侶呢啲都有，不過相對地等咗唔使一陣下午茶set咗送到過嚟啦🥰等候時間絕對可以接受，都算快手！🥂品味華麗逸誌海景下午茶 $468 （二人用）下午茶一樣分咗鹹點甜點，分別各五樣，所以總共有十款嘢食！嘢食我揀啲又真係想分享介紹嘅講，唔會逐一講晒啦😛🥂🥂🥂🥂🥂🥂🥂🥂🥂🥂🥂鹹點🍴
琴日去咗馬灣挪亞方舟酒店嘅餐廳食下午茶🥂之前嚟過馬灣幾次，都覺得喺呢度食嘢好正，對住個海景同埋青馬大橋一定冇得彈😍今次就過咗嚟試佢限定月份嘅下午茶🫖
一入到餐廳嘅格局係好普通嘅酒店餐廳，裏面大約分咗兩邊，一邊就係普通跟Menu食飯丶下午茶嘅位置，一邊就係自助餐～環境唔算特別優雅🥸
不過我哋訂嘅時候專登order左坐窗邊位，所以我哋可以望住海灘海邊同埋青馬大橋個景😋一路欣賞美景，一路食下午茶😍😍
不過如果你唔坐窗邊位，坐卡位梳化位嘅話，其實對住窗口都會見到景色嘅，只不過相對地冇咁近啫～🖼
呢個價錢係包左普通餐飲，入到黎餐廳店員就急忙咁問我哋飲餐飲😥😥叫咗兩杯凍檸茶，好快就黎到，不過有一杯嘢飲嘅匙羹有啲污糟，而且味道非常難飲🤢所以之後我都淨係飲咗水⋯
雖然係平日過嚟食，但係都有唔少人一家大細丶情侶呢啲都有，不過相對地等咗唔使一陣下午茶set咗送到過嚟啦🥰等候時間絕對可以接受，都算快手！
🥂品味華麗逸誌海景下午茶 $468 （二人用）
下午茶一樣分咗鹹點甜點，分別各五樣，所以總共有十款嘢食！嘢食我揀啲又真係想分享介紹嘅講，唔會逐一講晒啦😛
🥂🥂🥂🥂🥂🥂🥂🥂🥂🥂🥂
鹹點🍴：
「波士頓龍蝦包🦞」餡料好食，食到龍蝦仲有蟹柳肉☺️醬汁調味幾好，同埋呢個包都大大份，唔怕有時食下午茶食唔飽🤣
「松露醬蟹肉多士🍞」黑松露味都唔算濃郁，反而淨係食到滿滿嘅蟹肉多士，好香脆，算係唔錯！🤩
「照燒扇貝盒🦪」個人覺得呢個一般，不過佢個造型幾得意，上邊有啲粒粒扇貝，然後酥皮盒包住啲沙律醬，不過個人唔鍾意沙律醬，所以呢個我就麻麻哋😯
鹹點呢三樣比較特別，其他沙律類嘅我就覺得一般啦～～
🥂🥂🥂🥂🥂🥂🥂🥂🥂🥂🥂🥂
甜點🍮：反而甜點我覺得有驚喜質素唔錯☺️❤️
「香桃巴伐利亞🍑」呢個甜品我都係望清楚先至見到佢驚喜嘅位，蜜桃啫喱嘅部份有押花，非常精緻，好靚！！我都專登為佢影咗幾張相☺️巴伐利亞味道唔錯，下面仲有少少蜜桃，中和味道，甜甜酸酸咁幾好！
「芒果芝士蛋糕🍰」呢個算係頭一兩個最好食嘅甜品，可能大部份甜品都係屬於偏甜嗰類，突然有個芝士蛋糕酸酸地真係突圍而出，芝士蛋糕口感綿密，不過芒果就略嫌有啲酸啦，但蛋糕好食🥰🥰
「栗子蒙布朗🌰」呢個外型好的骰精緻，下面一粒粒係朱古力脆脆，配合入邊嘅栗子蓉，口感有層次，栗子味道好濃郁！
「榛子焦糖咖啡千層🧁」呢個我覺得係最好食嘅甜品❤️蛋糕真係分別食到榛子焦糖同埋咖啡嘅味道，而且蛋糕睇唔會好乾，濕潤鬆軟，入口即溶，甜度適中😝👍🏻👍🏻
🥂🥂🥂🥂🥂🥂🥂🥂🥂🥂🥂🥂
🥂總括以上，個人覺得食物質素唔算特別高，但係勝在嘢食相精緻，都有誠意，特別欣賞甜品，做得幾靚，質素又唔差！加上呢個價錢對住呢個景色，我覺得真係幾值得，望住沙灘同青馬大橋休閒下好加分🥳
呢個下午茶係九月至十一月期間限定㗎，有興趣都可以去試吓！
張貼
