松藝館 (已結業)

平日lunch time嘅海港城，行落雖然無乜人，但幾乎每間餐廳都坐滿，喺無book枱嘅情況下，難得呢間仲有bar枱有位，就決定去試試 亦係我之前一直想試嘅餐廳。聽講呢度出名食松露，環境又靚。的而且確，每一道菜都有松露片，而且數量仲要唔少，望見好似值回票價咁！但每一道菜都食唔到有松露味😅就算直接放一塊松露落口，都係一啲味都無，就好似食緊一塊紙皮。話雖如此，如果撇除無松露味呢個缺點之外，如果當佢係一間普通西餐廳，其實佢每樣野食，本身都整得幾好味。而且環境真係坐得舒服，服務都值得一讚，不時睇下我地有無咩需要，耐心地介紹食物，同埋主動斟水。