一幻拉麵

營業中

休息中

早前去過銅鑼灣世貿中心幫襯過兩間餐廳時，曾經行過這間拉麵店，遇上今天去開銅鑼灣，於是就走去試試。去到大概下午3:00左右，因過咗食飯時間唔使等大把位，員工叫隨便坐，選擇咗望避風塘的吧枱坐。第一次去這間店，什麼出名不知道，見到一人拉麵套餐做推廣，包括拉麵、蟹棒蟹籽沙律、餃子（3隻）、飲品，就叫嚟試試。一個套餐叫咗原味拉麵（醬油/幼麵），另一個叫蝦汁拌麵，飲品要懷舊歌波子汽水拉麵好夠熱有蝦汁味添，喝一口唔錯，另外拌麵一樣有蝦汁味，個人覺得蝦汁多一些更妙（或另上一小碗汁）。餃子夠熱，整個餐拌沙拉可解濃味道，又有蟹棒蟹籽拌沙拉，唔錯的配搭好好。第一次食唔錯！服務方面，員工有禮貌，送上熱拉麵時提一提小心熱湯，只係今時今日大部份餐廳都係QR code落單，與員工少了互動反而覺得員工cool cool的，無服務了，可惜！地方可望銅鑼灣避風塘，地方也整潔。