海港薈

營業中

休息中

朋友屋企裝修完，去睇下取經，為屋企裝修攞靈感，我哋先去尖沙咀海港薈飲茶，再同佢返家😄呢度個無敵海景最吸引，單邊大窗，可以望到好靚嘅維港靚景，禮堂寬大無柱，裝飾華麗高雅😄鮑汁鳳爪唔單止鳳爪入味軟腍，連花生都入哂鮑汁味，食到停唔到口🤣金莎脆皮鮮蝦腸米網脆身，包住粒粒鮮味爽彈嘅蝦仁，粉皮薄滑有米香，好好食😋金磚豆腐炸成金黄色，一口一粒，外脆內軟，豆腐滑溜有豆味😋我哋見酒家新出植物肉糸列，用植物製嘅肉造成唔同菜式，就叫咗客香芒植糸雞柳試下，口感幾特別，腍腍地，好似午餐肉咁😄甜品燕窩燉鮮奶熱辣辣上枱，燉鮮奶好香滑溜，唔太甜😋，燕窩原來都幾多，滿滿的舖滿鮮奶面層🤭