影片
更多
2022-06-28
38 瀏覽
📍𝐎𝐇𝐌 𝐂𝐚𝐟𝐞 & 𝐁𝐚𝐫💛 - #YFF深水埗 💎【撐真·本土樂隊KOLOR必訪‼️ 朝啡暮酒的港態度🍸】由真本地樂隊開設嘅良心店💛 點可以唔去潮聖支持下？呢間咖啡店以「日啡夜酒」嘅模式經營，日間時間係一間走工業風嘅文青cafe，提供多種由專業咖啡師沖調嘅精品咖啡；入夜後就搖身一變為型格酒吧，以霓虹燈打造cyberpunk主題。OHM喺六點後就會開始供應多款特色調酒，部份更由 @kolor_official 成員親自研發架～ 聽講佢地仲會不時駐店，擔任bartender親自為大家調酒🤩❝𝑭𝑶𝑶𝑫❞➤ 明太子蟹籽意粉 ($115)明太子忌廉汁睇落好似好稀，但食落味道尚算濃厚，意粉掛汁力強，食落啖啖都好rich好creamy，鹹香又惹味，仲加左啲蟹籽提升口感。份量幾足，夠兩個人share食。➤ 慢煮澳洲穀飼牛脷 ($80)牛脷先慢煮後香煎，煮得相當軟腍入味，幾容易咬開，而且調味恰到好處👍🏻 不過建議可以再厚切啲增加口感！➤ 厚切完美平衡叉燒 ($65)每件叉燒都極厚切，肉質唔乾，咬落軟腍黎又有肉感，調味帶甜幾惹味，友人不約而同表示好喜歡呢碟叉燒🫶🏻➤ 秘製微辣焗雞翼 ($45 / 5p
【撐真·本土樂隊KOLOR必訪‼️ 朝啡暮酒的港態度🍸】
由真本地樂隊開設嘅良心店💛 點可以唔去潮聖支持下？呢間咖啡店以「日啡夜酒」嘅模式經營，日間時間係一間走工業風嘅文青cafe，提供多種由專業咖啡師沖調嘅精品咖啡；入夜後就搖身一變為型格酒吧，以霓虹燈打造cyberpunk主題。OHM喺六點後就會開始供應多款特色調酒，部份更由 @kolor_official 成員親自研發架～ 聽講佢地仲會不時駐店，擔任bartender親自為大家調酒🤩
❝𝑭𝑶𝑶𝑫❞
➤ 明太子蟹籽意粉 ($115)
明太子忌廉汁睇落好似好稀，但食落味道尚算濃厚，意粉掛汁力強，食落啖啖都好rich好creamy，鹹香又惹味，仲加左啲蟹籽提升口感。份量幾足，夠兩個人share食。
➤ 慢煮澳洲穀飼牛脷 ($80)
牛脷先慢煮後香煎，煮得相當軟腍入味，幾容易咬開，而且調味恰到好處👍🏻 不過建議可以再厚切啲增加口感！
➤ 厚切完美平衡叉燒 ($65)
每件叉燒都極厚切，肉質唔乾，咬落軟腍黎又有肉感，調味帶甜幾惹味，友人不約而同表示好喜歡呢碟叉燒🫶🏻
➤ 秘製微辣焗雞翼 ($45 / 5pcs)
即叫即炸，上菜新鮮熱辣辣，隻隻都香脆又juicy。味道正正常常，唔係好食到辣味，不過絕對係一流嘅送酒小食😜
➤ 黑松露薯條 ($70)
呢盤薯條好有驚喜，每條都炸到脆卜卜超級香口，仲灑滿咗芝士粉係面增加風味，配埋特調嘅黑松露醬，食落超惹味，完全係一啖接一啖咁食到停唔到(⁎⁍̴̛ᴗ⁍̴̛⁎) 雖然份量超大份，但我地飲住野傾下計咁食，好快就不知不覺清晒成盤，熱氣程度同邪惡程度我俾滿分🥲
❝𝑴𝑶𝑪𝑲𝑻𝑨𝑰𝑳❞
➤ 冷萃咖啡 配 檸檬汽水 ($68)
呢杯mocktail好啱平時唔係飲開咖啡但又鐘意咖啡味嘅大家。清爽嘅檸檬汁同黑咖啡組合，平衡咗咖啡嘅苦澀，令咖啡味變得容易接受。入口果香繚繞酸甜滋味，尾韻帶著淡淡豆香，非常清新嘅搭配！
➤ 熱情果茉莉花梳打 ($68)
呢杯飲品suppose應該係飲到酸甜百香果味同清香茉莉花茶嘅平衡，但好可惜當日passion fruit原料sold out，但店員妹妹推介我地可以照order，一嚐茉莉花梳打嘅滋味，飲落幾清新，茶味幾出，唔算特別但絕對係清暑解渴之選～
❝𝑷𝑶𝑼𝑹 𝑶𝑽𝑬𝑹❞
➤ 手沖咖啡 Guatemela Huehutenago ($70)
估唔到原來晚市時間都仲有供應幾款手沖咖啡，今次就揀咗呢款來自危地馬拉嘅熔岩巧克力水洗咖啡，標榜有焦糖、堅果同埋蘋果風味。飲落的確層次豐富，飲到香醇而略具野性嘅莓果風味，而且帶有陣陣可可味嘅餘韻，相當特別。
張貼
