DPD Deluxe (已結業)

Weekend訓晏左少少，一早知道依間餐廳有做早餐。不過無諗過早餐非常有特色，所以都忍唔住想寫篇食評。早餐唔一定只係雪菜肉絲米同沙嗲牛肉麵既選擇，係到可以揀鬼佬西餐，又或者中式點心。所謂咸魚白菜，各有所愛。我始終都係好鐘意食燒賣，所以點左份中式點心。一個餐就有齊哂自己鐘意既燒賣同蝦餃，至於配埋糯米雞，我更加唔介意！蝦餃夠大粒，做得夠精緻。入面蝦仁起碼有2-3隻，非常彈牙新鮮！其實鐘意依d餐廳，鐘意佢地做到即叫即蒸，小量出貨，但品質非常好。就咁睇早餐時段人流絡繹不絕，如果星期六日應該要早d就位先食到。