Jamie's Italian (已結業)

表妹來港探訪，係尖沙咀行緊街，問佢想食咩佢話想試吓意大利菜，咁就諗起呢間餐廳，同埋自己一直都想試吓。因為都比較夜去食，所以唔洗等位就入得，一入到去就比d 裝修吸引左，牆上面啲話好特別，燈光昏暗，好有情調。食物嘅質素都幾好，最鍾意係個Pizza , 係薄底幾脆，好中意佢加左啲醃左嘅椒，酸酸地幾開胃，同埋用咗兩種芝士，令到味道更豐富。依家意粉味道就一般般，不過我個人就好鍾意食扁意粉，軟硬度適中。而個肉眼扒都煮得幾好，熟度啱啱好，唔會韌，但味道就冇咩特別，仲配左個薯條，薯條好脆好好味。不過呢度價錢都唔平，所以平時食飯就應該唔會去食，不過如果有朋友聚會都可以再去食。