談風：vs：再說 (已結業)

朝聖文青餐廳界大佬✨ 相信文青們都應該有聽過談風vs再說同埋佢地嘅白兔糖甜品，之前響牛頭角俾人迫遷後以為唔會再有機會食到，原來最近佢哋響西環開返，加上呢期白兔糖好紅，當然要搵個晏晝去朝聖下啦🤤搬咗新竇格局依然文青，響門口望入去淨係見到賣一堆lifestyle嘢，然後落樓梯先發現別有洞天，勁空曠勁有feel嘅餐廳，記得餐廳老闆係夾開band，所以三點雖然唔見咗部懷舊街機但就專係劃咗個位嚟搭個show枱，應該間唔中都會有live music聽✨當日下午到訪所以係食lunch menu，主要都係以輕食為主，超鐘意佢地好多食材都係自家製，酸種麵包自己整好正常，但連三文魚都係自己醃製足兩三日真係好誇張，同出面普通煙三文魚相比冇咁重鹹兼個魚味更突出，而肉質更濕潤更有彈性✨而Dutch Pancake本身我都係幾鐘意，介乎鬆餅同布甸嘅口感，加上用鐵鑊烤製，外面香口鬆脆內裏質感軟腍煙韌兼帶微微嘅鹹香，士多啤梨雪葩都係自家製，味道天然唔人工❤️而成餐主角當然係白兔糖奶凍啦，後尾聽返原來佢真係用白兔糖攪爛嚟整，唔怪得咁重白兔糖味🤤 愛上面仲加咗層蝶豆花啫喱，賣相超靚❤️除咗嘢食仲有個嘢飲係必推，就係自家製可樂