沙嗲王 (官塘工業中心) (已結業)

話說呢排沙嗲王crossover 新世紀福音戰士整左個合作餐單，而我朋友又係EVA 迷，所以捉左我一齊朝聖我係工業大廈兜左好耐都揾唔到沙嗲王，突然見到呢個門口仔不斷好多人入去，入去問下，原來呢個冇招牌冇指示既小門，就係沙嗲王既入口，大佬駛唔駛咁神秘呀入到餐廳，牆身都貼滿EVA 既相，朋友好鐘意有一個特別餐單係EVA 概念食品，而且活動期間點選呢啲EVA 概念食品，會送一支20cm 長既朗基努斯槍，而且點選EVA 系列特飲，都可以有個獨家樽拎走，朋友就係為左呢兩樣野專程黎第4使徒芝士牛柳粒飯 $88外形好得意，味道都唔錯，牛粒份量都多，醬有少少酸，但好濃厚，令人好開胃，好滿足特飲：雪梨冷泡茶 $29純粹為左個樽而點，味道似一般甜甜地既綠茶。蟹粉豆腐鍋 $72送上黎左滾緊，豆腐上面仲舖滿蟹肉，令人流口水豆腐加埋蟹肉，同埋有啲鹹蛋黃撈埋，先聞到好香鹹蛋黃味，食落口味道濃厚，送飯一流而且份量超多，好滿足‼️不過最好同人share,因為食耐左有點膩。仲叫左個一口炸雞球 $29寫就係雞球，但應該叫雞粒先岩，細細粒，但份量都多食落原來都幾辣下，怕辣既人記得叫定野飲解辣味道似麥記脆辣雞腿包果件雞，幾惹味