影片
更多
2023-09-06
192 瀏覽
#港女覓食到九龍城今次同4位友人去食下泰國菜，我地揀左餐廳泰金國去朝聖下！餐廳12點開門，我地12:07pm去到已經有人龍要排隊，排咗一個鐘先有得食🫠值得一話係佢所有野食真係熱辣辣上枱，但你要去食嘅話就真係要有心理準備要排隊😂基本上餐廳全部菜式都係即叫即整，耐心等候下就會有得食架啦。✨泰式拼盤 $148入面有蝦餅、魚餅、炸雞卷、皮蛋炸蝦餅，全部新鮮即炸熱辣辣，魚餅香茅味好香好食，而炸物啲粉唔會太厚。✨泰式炒金邊粉 $68第一碟上嘅菜式，所以覺得特別好食，繼續係熱辣辣上枱，欣賞佢金邊粉唔會痴埋一嚿，而個汁甜甜地岩岩好，蝦仁食到冇雪味。✨馬拉盞炒通菜 $78個馬拉盞嘅蝦味好出，唔會太辣~✨泰式冬蔭公 (細) $98酸酸甜甜好開胃，唔會覺得係用粉溝出黎，食落真材實料!✨泰式肉碎生菜包 $88肉碎好香，岩岩入口以為唔太辣，點知啲辣係後勁先出，但可以接受夠惹味。✨燒牛肉 $88啲牛肉燒得有啲過左火候食落有啲韌，有啲失望；但佢個汁調得好惹味，點埋就可以提升肉嘅味道。✨泰式菠蘿沙冰(少甜) $35最遲上嘅一杯嘢飲，因為佢沙冰真係逐杯整；菠蘿味好味，飲落唔會覺得係用糖漿假嘢整，係飲得出有真水果菠蘿味
今次同4位友人去食下泰國菜，我地揀左餐廳泰金國去朝聖下！
餐廳12點開門，我地12:07pm去到已經有人龍要排隊，排咗一個鐘先有得食🫠
值得一話係佢所有野食真係熱辣辣上枱，但你要去食嘅話就真係要有心理準備要排隊😂
基本上餐廳全部菜式都係即叫即整，耐心等候下就會有得食架啦。
✨泰式拼盤 $148
入面有蝦餅、魚餅、炸雞卷、皮蛋
炸蝦餅，全部新鮮即炸熱辣辣，魚餅香茅味好香好食，而炸物啲粉唔會太厚。
✨泰式炒金邊粉 $68
第一碟上嘅菜式，所以覺得特別好食，繼續係熱辣辣上枱，欣賞佢金邊粉唔會痴埋一嚿，而個汁甜甜地岩岩好，蝦仁食到冇雪味。
✨馬拉盞炒通菜 $78
個馬拉盞嘅蝦味好出，唔會太辣~
✨泰式冬蔭公 (細) $98
酸酸甜甜好開胃，唔會覺得係用粉溝出黎，食落真材實料!
✨泰式肉碎生菜包 $88
肉碎好香，岩岩入口以為唔太辣，點知啲辣係後勁先出，但可以接受夠惹味。
✨燒牛肉 $88
啲牛肉燒得有啲過左火候食落有啲韌，有啲失望；但佢個汁調得好惹味，點埋就可以提升肉嘅味道。
✨泰式菠蘿沙冰(少甜) $35
最遲上嘅一杯嘢飲，因為佢沙冰真係逐杯整；菠蘿味好味，飲落唔會覺得係用糖漿假嘢整，係飲得出有真水果菠蘿味，好清新。
✨泰式青檸沙冰 $15
純粹覺得罕有市面上少見就試下，好彩冇少甜，因為青檸真係好酸，酸得黎係好開胃，但真係試一次就夠~
✨泰式奶茶(少甜) $25
少甜下都屬偏甜，有別於港式奶茶嘅偏茶濃奶香，泰式奶茶成杯都好似飲落有點甜嘅感覺，茶味未夠特出，味道同坊間買個隻泰式奶茶粉差唔多🤭
✨總結
人均消費💸：$167/1人
味道：🌕🌕🌕🌕🌑
份量：🌕🌕🌕🌑🌑
服務：🌕🌕🌕🌑🌑
質素：🌕🌕🌕🌕🌑
🍴 泰金國 (九龍城)
📍九龍城侯王道9號地下A號舖
張貼
