影片
更多
2018-12-19
1486 瀏覽
朝聖老字號高質豬扒😍 到底響茶記食一碟八十幾蚊嘅咖喱豬扒飯係咩一回事呢？對於呢個價嘅值得程度半信半疑但一食就發現佢真係值咁貴🙈一上枱見塊豬扒巨型到痴線，厚切得嚟肉質又夠軟，即叫即炸（可能係咁橋）炸得夠香脆但冇油，啖啖肉又冇鬆肉粉嘅感覺超高水準✨ 小弟唔好辣亦都唔食得辣，但見過咖喱汁賣相吸引點都要試下，一入口勁重椰香，個辣味係隨椰香過後先湧出嚟，仲要幾辣下，不過食得辣的話都幾高質，一千零一嚿薯仔就燜到腍哂好入味。而我下次就會揀茄汁囉，雖然好食但辣到我飛起😂至於另一碟粟米魚柳就中矩中規普通小炒質素，可以完全無視慳返叫其他嘢，而呢度嘢飲係玻璃樽裝好夠汽，唔飲汽水都有老火湯揀，果晚個湯仲有疑似雪耳添。另外都幾鐘意佢啲伙記，冇果種老店傲慢感，幾和善幾親民，食都食得舒服啲（當然如果你係靚女的話伙記個態度會更殷勤😂）不過要留意官方營業時間雖然到九點，但我星期六晚七點尾坐底已經係叫最後果幾碟飯，八點已經賣哂嘢要截客提早收舖，想食預早啲嚟，嫌貴佢晏晝仲有外賣飯盒特價平成半就抵食好多😆
一上枱見塊豬扒巨型到痴線，厚切得嚟肉質又夠軟，即叫即炸（可能係咁橋）炸得夠香脆但冇油，啖啖肉又冇鬆肉粉嘅感覺超高水準✨ 小弟唔好辣亦都唔食得辣，但見過咖喱汁賣相吸引點都要試下，一入口勁重椰香，個辣味係隨椰香過後先湧出嚟，仲要幾辣下，不過食得辣的話都幾高質，一千零一嚿薯仔就燜到腍哂好入味。而我下次就會揀茄汁囉，雖然好食但辣到我飛起😂
至於另一碟粟米魚柳就中矩中規普通小炒質素，可以完全無視慳返叫其他嘢，而呢度嘢飲係玻璃樽裝好夠汽，唔飲汽水都有老火湯揀，果晚個湯仲有疑似雪耳添。
另外都幾鐘意佢啲伙記，冇果種老店傲慢感，幾和善幾親民，食都食得舒服啲（當然如果你係靚女的話伙記個態度會更殷勤😂）不過要留意官方營業時間雖然到九點，但我星期六晚七點尾坐底已經係叫最後果幾碟飯，八點已經賣哂嘢要截客提早收舖，想食預早啲嚟，嫌貴佢晏晝仲有外賣飯盒特價平成半就抵食好多😆
張貼
