麻辣小聚 (93WYS) (裝修中)

呢一間麻辣小聚之前一直都好想食，今次終於都可以約到朋友過嚟食飯啦！一入到呢間餐廳就覺得好舒服好乾淨，好適合同朋友傾偈聚會！而且呢度嘅店員都非常細心，會認真介紹食物菜式，值得一讚！👍🏻至於講到食四川嘢，就梗係唔少得要食難忘酸菜魚啦！呢份酸菜魚果然非常難忘，酸味十足，而且入面嘅配料亦都好多！我自己好鍾意食酸菜魚就係因為酸酸辣辣咁，非常開胃！而且呢度嘅魚肉亦都好好食！另外就叫咗一份樟茶鴨，呢一隻鴨好香！鴨嘅油脂咪好好！而且加埋少少樟茶嘅味道，感覺都非常清新！