影片
更多
2015-03-15
6986 瀏覽
是咁的，之前知道Jamie's italian 進駐左香港係銅鑼灣開左第一間分店，雖然我唔係好知jamie係邊個，但既然佢咁出名，緊係去朝聖下啦。去過幾次都係排哂隊多人到爆炸，今日特登襯閒日同為食朋友點都要食番次。大約5點幾6點到，我同友人去到jamie's italian 嘅大門拎位，地下個層係reception 同一d product，去煮食有興趣嘅朋友可以去睇下架。餐廳太多人唔敢影大圍相，餐廳相當大，燈光暗黃，好舒服。我同友人坐左係近bar 枱嘅卡位，梳化位來的，圍枱好舒服。枱上仲要有一個燭光，好鬼有feel，可惜嘅我係同一個男友人去，搞到硬差咁d野。坐低冇耐就有個waiter自我介紹仲用英文講一大輪野。比左menu 我地。最後我同友人order左幾樣食物:本店著名鮮蝦扁意粉，松露意粉，卡邦尼煙肉長通粉鮮蝦扁意粉整個味道偏辣，仲有小小蕃茄嘅酸味好開胃。扁意粉有口感。 最重要係d蝦真係好新鮮，咬落去好爽口，鍾意食蝦嘅朋友一定要試一試。松露意粉一黎就己經有好香嘅牛油味。黑松露同牛油加埋芝士個個配搭好味到呢我都唔知點形容，有機會真係要試下呀各位。最後卡邦尼煙肉意粉。同樣係色香味俱全嘅意
是咁的，之前知道Jamie's italian 進駐左香港係銅鑼灣開左第一間分店，雖然我唔係好知jamie係邊個，但既然佢咁出名，緊係去朝聖下啦。去過幾次都係排哂隊多人到爆炸，今日特登襯閒日同為食朋友點都要食番次。
大約5點幾6點到，我同友人去到jamie's italian 嘅大門拎位，地下個層係reception 同一d product，去煮食有興趣嘅朋友可以去睇下架。
餐廳太多人唔敢影大圍相，餐廳相當大，燈光暗黃，好舒服。我同友人坐左係近bar 枱嘅卡位，梳化位來的，圍枱好舒服。枱上仲要有一個燭光，好鬼有feel，可惜嘅我係同一個男友人去，搞到硬差咁d野。
坐低冇耐就有個waiter自我介紹仲用英文講一大輪野。比左menu 我地。
最後我同友人order左幾樣食物:
本店著名鮮蝦扁意粉，松露意粉，卡邦尼煙肉長通粉
鮮蝦扁意粉整個味道偏辣，仲有小小蕃茄嘅酸味好開胃。扁意粉有口感。 最重要係d蝦真係好新鮮，咬落去好爽口，鍾意食蝦嘅朋友一定要試一試。
松露意粉一黎就己經有好香嘅牛油味。黑松露同牛油加埋芝士個個配搭好味到呢我都唔知點形容，有機會真係要試下呀各位。
最後卡邦尼煙肉意粉。同樣係色香味俱全嘅意粉，煙肉唔係平時食開個d，睇落會有小小似肉乾，但係加埋長通粉食嘅口感並唔會有好乾嘅感覺。鍾意煙肉嘅你一定要試一試。
主菜之後我同朋友叫左兩個甜品
先講講vanilla ranna cotta。 宜個雲呢拿味嘅奶涷上面有幾片桔，幾新鮮，不過有小小酸。奶涷整體口感非常rich，不過小弟覺得甜左d但係整體來講都算幾好食。
另一個epic brownie我淨係睇個樣已經流哂口水，甜爆谷，朱古力味蛋糕加埋海鹽焦糖味雪糕，一凍一熱再加埋爆谷卜卜趣嘅口感令我同自己講我一定會再食第2次。不過可能男仔唔 鍾意食太甜，宜個甜品會有埋朱古力醬，食家食嘅時候建議睇自己口味做人，咁先係享受呀嘛!
張貼
