影片
更多
2019-08-26
553 瀏覽
近年川菜盛行，於香港乃至世界各地均受人們追捧喜愛，可謂「遍地開花」。【三希樓】座落於銅鑼灣時代廣場，主打川菜及粵菜。筆者雖不是川菜愛好者，但聞說三希樓的粵菜水準不俗，便擇日前往一嘗手藝。.【三希樓】門市簡潔闊落，右側擺放咗十幾個花樽擺設代玻璃布廉以遮擋店內等候室嘅視線，大氣得嚟亦有相當嘅空間感，設計得頗有心思。至於等候區內就擺咗兩張古色古香嘅木櫈，配搭側邊盤栽同圓櫈同掛喺牆上面嘅裝飾，感覺有啲似傳統中國四合院嘅裝潢。用膳地方嘅枱櫈排得相當闊落，某啲圓枱同圓枱之間亦有磨砂玻璃屏風隔一隔，即使喺「大笪地」同其他食客共膳，都有一定程度嘅私隱可以放心傾計。先來一個小前菜...再望下餐牌，選擇唔少，每樣都想一試。✨明爐蜜汁叉燒：雖然叉燒份量唔算多，但係每舊都肥瘦均勻，咬落去嘅豬油香同蜜糖豉油平衡得幾好，外層微微嘅焦脆感都係一個大大嘅加分位。唯一美中不足嘅就係叉燒下面啲水分太多，水油狀嘅醬汁多得嚟又「浪下浪下」要扣返啲分。✨酸辣四川涼粉︰四川涼粉主要睇嘅係涼粉質素、配菜同酸辣醬汁。今次呢碟菜，涼粉方面十分彈牙得嚟有咬口，呈碟嗰陣都夠乾身，出面已經比較少見餐館會特別着重涼粉嘅質素了；配菜方面就嫌佢青
.
【三希樓】門市簡潔闊落，右側擺放咗十幾個花樽擺設代玻璃布廉以遮擋店內等候室嘅視線，大氣得嚟亦有相當嘅空間感，設計得頗有心思。
至於等候區內就擺咗兩張古色古香嘅木櫈，配搭側邊盤栽同圓櫈同掛喺牆上面嘅裝飾，感覺有啲似傳統中國四合院嘅裝潢。
用膳地方嘅枱櫈排得相當闊落，某啲圓枱同圓枱之間亦有磨砂玻璃屏風隔一隔，即使喺「大笪地」同其他食客共膳，都有一定程度嘅私隱可以放心傾計。
先來一個小前菜...
再望下餐牌，選擇唔少，每樣都想一試。
✨明爐蜜汁叉燒：
雖然叉燒份量唔算多，但係每舊都肥瘦均勻，咬落去嘅豬油香同蜜糖豉油平衡得幾好，外層微微嘅焦脆感都係一個大大嘅加分位。
明爐蜜汁叉燒
12 瀏覽
0 讚好
0 留言
唯一美中不足嘅就係叉燒下面啲水分太多，水油狀嘅醬汁多得嚟又「浪下浪下」要扣返啲分。
明爐蜜汁叉燒
13 瀏覽
0 讚好
0 留言
✨酸辣四川涼粉︰
四川涼粉主要睇嘅係涼粉質素、配菜同酸辣醬汁。今次呢碟菜，涼粉方面十分彈牙得嚟有咬口，呈碟嗰陣都夠乾身，出面已經比較少見餐館會特別着重涼粉嘅質素了；配菜方面就嫌佢青瓜絲放得多咗少少，而蔥花同花生嘅份量又少咗啲；醬汁方面毫不馬虎，有別於一般餐館就咁俾一兜酸辣「油」你去撈粉食。
酸辣四川涼粉
13 瀏覽
0 讚好
0 留言
【三希樓】呢個酸辣汁底就好足料，嚐辣嘅朋友直頭可以舀起啲辣椒粒送落去碗粉度，又嗆口又過癮。整體而言，呢碟「酸辣四川涼粉」可以算係誠意之作，作為開胃前菜無得彈。
酸辣四川涼粉
18 瀏覽
0 讚好
0 留言
✨沙嗲粉絲肥牛煲︰
呢煲肥牛上菜之後熱氣騰騰，等到佢嘅蒸氣揮發走之後，望落去見到啲肥牛紋理清晰同油脂分佈平均，就知道呢個係一個高質嘅肥牛煲。
沙嗲粉絲肥牛煲
28 瀏覽
0 讚好
0 留言
果然！望見朋友不論係就咁單獨食一塊肥牛，定係連同充滿牛香同偏辣嘅沙嗲粉絲一齊食，都只會聽見一句猛咁話「真心好味，快啲趁熱食」好快我同佢三扒兩撥，就將成個肥牛煲食到乾乾淨淨。
沙嗲粉絲肥牛煲
21 瀏覽
0 讚好
0 留言
✨極品流沙包︰
相比起以上幾碟菜，呢個流沙包就相對無咁大驚喜了。話雖如此，呢個包嘅質地依然係十分鬆軟，內裡嘅餡料份量啱啱好做到漏出嚟又唔會整到個包太濕，當佢係飯後甜品一樣唔會令人失望。
極品流沙包
13 瀏覽
0 讚好
0 留言
極品流沙包
10 瀏覽
0 讚好
0 留言
今次雖然只係小試牛刀，兩個人只能夠食到幾碟菜，但已經感受到【三希樓】師傅嘅功力同用心。如果下次搵齊朋友再去【三希樓】，一定要試勻佢嘅招牌名菜！
張貼
