太二老壇子酸菜魚

營業中

休息中

太二終於喺香港開幕呀，依排係咁聽到唔同媒體介紹佢，搞到我即刻book左去食晚餐，而且佢啲Booking都幾full下一入到去環境都企理，而且花茶可以免費飲，紙巾嗰啲都可以免費拎。咁嚟到太二梗係要一定要一份酸菜魚，佢嘅酸菜魚好大份，而且好夠辣同酸。好適合陪住白飯嚟食，而且兩個人嘅話完全夠飽。我仲叫咗一個小食拼盤，有雞翼，蝦片，薯寶同埋小酥肉。佢個雞翼超級好食，建議大家都試吓佢嘅雞翼。雖然出邊有免費嘅花茶自己沖，但係想飲凍嘢嘅話，都不妨叫一下佢嘅飲品，我叫咗佢嘅紅豆冰。甜到飲落去都舒服，而且都多配料喺入邊。如果想訂位嘅話，記得去返佢嘅網站度訂會容易啲book。