鼎泰豐 (已結業)

我最中意食小龍包，鼎泰豐出名小龍包，但我竟然一次都未食過，太失敗…由於朋友去完韓國，要比手信我，所以就搵地方食飯…朋友話尖沙咀有，當然即刻話好啦！！美麗華既鼎泰豐吾太多人流，所以吾洗等位就入得。一開餐牌，勁多野想食！但人太少，都要就返價錢，有選擇困難症既我，太難揀。最後叫左以下幾樣：。辣味小黃瓜 - 本身都中意食黃瓜，呢個辣辣地，幾開胃。原味水晶肉 - 真係幾好食，平時出面個d好大舊硬肉，呢個真係碎哂，但仲有肉質，仲有d啫喱，食落好正。花雕醉雞 - 酒味吾太濃，雞正常，翡翠好食d。小龍包 - 不能不吃！！真係皮薄餡靚，食一打都得呀！d肉吾會太實，好軟身，太juice啦。雪菜肉絲麵 - 雪菜肉絲又係我最愛，去茶記都係食雪菜肉絲，呢個好多雪菜，正到爆呀！不過麵就好似淋左d…。茘芋小龍包 - 飯後甜品，朋友介紹，食落好似食緊蒸既薄薄的湯圓皮，入面係芋泥，感覺好得意，第一次咁食～今餐都幾滿足，真係不負所望，一定會再食