影片
更多
2023-02-10
265 瀏覽
一直聽好多人分享，今次終於試到(好似已經冇想像中咁難book)，預先話係慶祝，仲會有個朱古力牌喺甜品到2人，叫左個$1098 Afternoon Tea Set。因為揸車就冇機會有香檳嗰個set。一開頭會上咗茶先，好飲，2人可選2款之後就有三文治，四款唔同口味，各有千秋。配搭得好好，麵包仲好濕潤，唔會食到口乾。我同友人分別鍾意嘅口味都唔同，估唔到三文治都可以咁有質素之後會上湯，係松露湯，好香好細緻，份量啱啱好之後果2款酥就一般。到重頭戲，甜點架出場，上面4款甜品。紅絲絨、芋頭塔、泡芙較為好味。唔會太甜，啱啱好。另外，Scones 都ok，但未去到好好食。食到咁上下，其實已經飽。呢個時候會有架甜品車推過嚟，有四款甜品可選擇。因為每樣都想試，就order咗各一就算飽，都覺得栗子蛋糕好食，仲有個signature拿破崙都好食。朱古力同莓塔就冇咩特別，可唔食。最後仲會有一盆朱古力上。大家都食唔落。但係都食咗一兩款，發現原來係錯誤，好膩，又冇乜特別。總括來說，份量完全夠，味道好，食得出製作有heart。職員服務好。環境相對冇想像咁靚，器皿亦唔係好靚，有啲碟好普通，始終開喺Rosewood ，會有
2人，叫左個$1098 Afternoon Tea Set。因為揸車就冇機會有香檳嗰個set。
一開頭會上咗茶先，好飲，2人可選2款之後就有三文治，四款唔同口味，各有千秋。配搭得好好，麵包仲好濕潤，唔會食到口乾。我同友人分別鍾意嘅口味都唔同，估唔到三文治都可以咁有質素
之後會上湯，係松露湯，好香好細緻，份量啱啱好
之後果2款酥就一般。
到重頭戲，甜點架出場，上面4款甜品。紅絲絨、芋頭塔、泡芙較為好味。唔會太甜，啱啱好。
另外，Scones 都ok，但未去到好好食。
食到咁上下，其實已經飽。呢個時候會有架甜品車推過嚟，有四款甜品可選擇。
因為每樣都想試，就order咗各一
就算飽，都覺得栗子蛋糕好食，仲有個signature拿破崙都好食。朱古力同莓塔就冇咩特別，可唔食。
最後仲會有一盆朱古力上。大家都食唔落。但係都食咗一兩款，發現原來係錯誤，好膩，又冇乜特別。
總括來說，份量完全夠，味道好，食得出製作有heart。職員服務好。環境相對冇想像咁靚，器皿亦唔係好靚，有啲碟好普通，始終開喺Rosewood ，會有期望。所以如果女仔重視打卡就未必，但係真心欣賞佢嘅食物質素。會再帶家人嚟食！
張貼
