海街丼 (E-Max) (已結業)

喺九展返左工一段日子，其實d餐廳食到都好厭啦😌。終於開左新嘅日式料理餐廳， 梗係要同同事一齊試新野啦！新張期間，排左大約15分鐘終於有位， 我地坐十人tatami 枱， 感覺都幾寬敞😊 午餐主食主要分為刺身飯🍱，豬扒飯同親子丼🐥🥚🍚，選擇唔算多。 我揀左海宝丼［上］，賣相都唔錯， 有d似角切魚生飯 ：有蟹肉，吞拿魚，三文魚，章魚， 穴子，小扇貝等。午餐附送味噌湯， 小食同冷/熱烏龍茶。不得不提係壽司飯並冇添加醋， 反而以壽司醋啫喱形式另上， 份量自由添加。另外由於飯嘅份量唔算多， 我地無論男女同事都要加大先夠食😂😂