影片
更多
2008-11-27
13 瀏覽
呢間店好耐好耐之前已賣廣告, 都被它的juicy 多層漢堡相深深吸引.... 終於等到開業可以食到.....幫襯日期及時間: 26/11/2008 約七點半至八點一入店見到個價錢牌已嚇窒, 一個包都咁貴!! 雙層漢堡要$65, 三層仲要$80!! (單包價錢, 仲要冇芝士, 加一塊芝士加$5); 計過要改餐的話要加多$25, 就有薯條同汽水, 心仲諗可能個包好大呢, 所以都照幫襯啦!等野食唔算話好耐, 約十分鐘倒.個包唔係大, 講真同麥記差唔多; 薯條唔算多, 講真真係唔太抵! 不過要讚下佢杯汽水真係夠哂大杯. 個人認為其實都唔使咁大杯啦, 因為正常女仔係冇可能飲得哂.個漢堡的味道跟一般食開的triple o, mcdonald 同ruby tuesday 略有不同, 比較特別, 而且肉身較林, 個人很喜歡這個味道! 不過食落非常"厘-hea", 因每咬一口就有好多汁定油定水咁bit 出嚟,搞到成手都係........... 不過要講下個薯條(可以免費轉薯圈的, 我都改食薯圈)......真係油到不得了... 除左可以見到薯圈本身已"令立立"之外, 仲可以見到個紙盒底都有大量金
幫襯日期及時間: 26/11/2008 約七點半至八點
一入店見到個價錢牌已嚇窒, 一個包都咁貴!! 雙層漢堡要$65, 三層仲要$80!! (單包價錢, 仲要冇芝士, 加一塊芝士加$5); 計過要改餐的話要加多$25, 就有薯條同汽水, 心仲諗可能個包好大呢, 所以都照幫襯啦!
等野食唔算話好耐, 約十分鐘倒.
個包唔係大, 講真同麥記差唔多; 薯條唔算多, 講真真係唔太抵! 不過要讚下佢杯汽水真係夠哂大杯. 個人認為其實都唔使咁大杯啦, 因為正常女仔係冇可能飲得哂.
個漢堡的味道跟一般食開的triple o, mcdonald 同ruby tuesday 略有不同, 比較特別, 而且肉身較林, 個人很喜歡這個味道! 不過食落非常"厘-hea", 因每咬一口就有好多汁定油定水咁bit 出嚟,搞到成手都係...........
不過要講下個薯條(可以免費轉薯圈的, 我都改食薯圈)......
真係油到不得了... 除左可以見到薯圈本身已"令立立"之外, 仲可以見到個紙盒底都有大量金黃的油...!! 真係.... 我諗應該完全沒有"鯨"過油的!!
本身唔係話要減肥, 但見到油多到咁都真係驚驚地, 結果要舖紙巾"索油", 一張紙巾唔夠, 足足用左三張嚟吸..........
另外一提: 朋友話男廁污糟非常, 有點影響食慾, 我諗除左價錢和"油量", 呢方面真係要改善下!!
是日消費: 二層漢堡餐+芝士$95
張貼