新南苑私房菜火鍋鷄煲 (華僑商業中心) (已搬遷) 新店位置

上次試過灣仔嘅新南苑之後一直念念不忘，有時放學想食特登去港島又好似好遠。等左咁耐旺角終於開左分店！仲要係朗豪坊附近，勁近。新鋪位置好就腳，地方佔全層都幾大。由由於間左幾間大房嘅關係，大廳嘅檯唔太多，但同一大班朋友黎食就有好大嘅私隱度，啱曬放工成班黎吹水食野。裝修似係放題嘅格局，有卡位同圓枱，湯底。新鮮蟹窩花甲湯湯底除左有大大隻蟹同蜆之外，仲有蕃茄、粟米、蘿蔔同菇類。店家提示一開始食左隻蟹先，仲好貼心咁比埋拆蟹嘅鉗我，可以好斯文咁享用埋啲蟹肉。湯底係南瓜湯，飲落清甜又唔太重南瓜味，一向唔太好南瓜嘅我都好鐘意。每位會送一個海鮮拼盤，包括有日本大元貝、紐西蘭大聖子、大連鮮鮑魚等等，每日都會有唔同嘅新鮮海鮮選擇。大蝦嘅蝦肉好爽口，一啲都唔霉，好新鮮。貝殻類嘅肉粒粒都脹卜卜，食落無沙，好鮮甜。鮑魚淥2-3分鐘就可以，勁新鮮連殻上架！入口彈牙，好好味。帶子好厚身，肉質鮮甜。手切牛頭脊。雪花鋪滿左牛肉嘅面層，入口即融，好香嘅牛肉味，即使唔點鼓油都已經好好味。除左海鮮拼盤外，仲有一個丸類拼盤，有我最愛嘅芝士竹輪外，仲有魚皮餃、鮮蝦雲吞、牛肉丸等等。食完唔夠仲可以免費加叫其他野食。