影片
更多
2009-10-13
104 瀏覽
起碼成10年冇同家人到鴻星食飯啦~最多都係間唔中同同事去食lunch~難得媽媽話陪我去食白兔仔~就星期六再到以前光顧過既分店啦~原來下午茶兩點半開始.. 等左陣先入得~~咁岩有卡位~..但講明16:10前要離座~分左兩round order~… 叫左菠蘿叉燒包, 企鵝餃, 水晶百合餃, 粉果, 蟹籽燒賣皇, 煎蘿蔔糕, 白兔仔棉花糖等候點心期間.. 先食住銀魚仔花生~…炸過當然好食~其實咪即係平時超市都有得買o個d~廚師推介既菠蘿叉燒包焗得金黃…菠蘿皮重牛酒味又脆~叉燒餡多汁…要小心熱~而且用既叉燒唔算肥~幾好~的的骰骰…咁好味有d唔夠喉添~~企鵝餃乃屬健康點心系列~入面其實係蝦膠加馬蹄..味道唔差…將造型做得可愛d吸引食客~~而黑色o個塊企鵝皮係紫菜味~兩塊皮疊埋都唔覺太厚~陸續黎到既水晶百合餃同粉果….一眼就覺得好晶瑩因為皮薄透餡…水晶百合餃入面有一隻大蝦…食到有黎自百合既粉甜…個皮係煙韌既西米皮~而粉果既皮做得夠薄幾軟熟, 餡料就冇特別~偏油, 但就以平黎吸引客人~只係$6.8~出乎我意料之外既蟹籽燒賣皇~咬開好失望~因為完全冇蝦~只有面頭少少蝦膠~入面成舊豬肉~仲要好多肥膏~…
最多都係間唔中同同事去食lunch~
難得媽媽話陪我去食白兔仔~就星期六再到以前光顧過既分店啦~
原來下午茶兩點半開始.. 等左陣先入得~~咁岩有卡位~..但講明16:10前要離座~
分左兩round order~… 叫左菠蘿叉燒包, 企鵝餃, 水晶百合餃, 粉果, 蟹籽燒賣皇,
煎蘿蔔糕, 白兔仔棉花糖
等候點心期間.. 先食住銀魚仔花生~…炸過當然好食~
其實咪即係平時超市都有得買o個d~
廚師推介既菠蘿叉燒包焗得金黃…菠蘿皮重牛酒味又脆~
叉燒餡多汁…要小心熱~而且用既叉燒唔算肥~幾好~
的的骰骰…咁好味有d唔夠喉添~~
企鵝餃乃屬健康點心系列~入面其實係蝦膠加馬蹄..
味道唔差…將造型做得可愛d吸引食客~~而黑色o個塊企鵝皮係紫菜味~
兩塊皮疊埋都唔覺太厚~
陸續黎到既水晶百合餃同粉果….一眼就覺得好晶瑩因為皮薄透餡…
水晶百合餃入面有一隻大蝦…食到有黎自百合既粉甜…個皮係煙韌既西米皮~
而粉果既皮做得夠薄幾軟熟, 餡料就冇特別~偏油, 但就以平黎吸引客人~只係$6.8~
出乎我意料之外既蟹籽燒賣皇~咬開好失望~因為完全冇蝦~只有面頭少少蝦膠~
入面成舊豬肉~仲要好多肥膏~…竟然會做舊式燒賣~
第二round既點心係以粗切蘿蔔絲黎整既煎蘿蔔糕~ 有4件..每件都唔大~
煎得夠燶好吸引~蘿蔔清甜~冬菇同蠟腸份量唔少~可惜蠟腸幾肥…
枱上既x.o.醬終於有用喇~…配蘿蔔糕好match~
最後品嚐既當然係我童年時到而家既至愛白兔仔棉花糖~
超軟熟~多椰絲但唔太甜…..食左兩件都唔會溜~
其他酒樓好少做到咁既水準呢…
由於商業+旅遊區既關係..呢間分店既整體水準比其他既好~
每位$10/茶, $3/ x.o. 醬+小食
張貼
