美胃餐室

營業中

休息中

荃灣大壩街不嬲都多嘢食，今日行街經過呢間新開嘅餐廳，門面好似幾整潔，就入咗去啦！本身以為呢間餐廳淨係食燒味，原來都有其他菜式嘅食物，例如有撈丁、鐵板扒餐、常餐等等，好有港式冰室嘅味道！我地就揀咗招牌叉燒滑蛋飯同埋肥牛撈麵，上菜速度算快，10分鐘之內已經嚟齊。叉燒滑蛋飯啲蛋真係好滑！而且個汁好適合撈飯，叉燒就不過不失，冇乜特別。肥牛撈麵揀咗咖喱汁，麵質算煙韌，唔會淋pat pat，肥牛普通，咖喱汁唔係我預期嗰種味道。整體都算滿意，而且服務態度好殷勤，主動拎張凳俾我哋放袋。不過可能新開張，食物款式較少，希望下次黎，有更加多新嘅嘢食。