回味館 (已結業)

終於等到星期六得閒，搭車去朗屏去食某群組常常推介嘅回味館，但食完有啲失望，我就唔覺得回味了。😐首先，我自問係斯文同禮貌果隻，但姐姐塊面由頭黑到尾😱，究竟係咪係度開工好不爽？點菜時靜左一下唔知佢聽到唔聽到，自己係度執餐牌，隔左好一陣先問飲咩。叫左蕃茄豬扒湯米線，應該係即做的，要等，蕃茄湯底好橙色，味好濃，唔假，我鍾意米線好淋好索湯，豬扒有炸過，味比較鹹同少少乾，豬扒、蕃茄、米線份量都頗多，個湯飲飲下覺得好咸，我有個鹽度計度到鹽份相當高，食完之後都好口渴。😣雖然價錢係平，但我覺得質素一般，加上黑面店員🌚，要消費為何要受氣呢？