新派韓食館 (已結業)

之前返學一直想試尼間，今晚終於食到啦，十分期待。一入去因為1個人，所以是但坐都得。環境都好大，感覺整潔。今晚想食炸雞，所以我叫左蜜糖炸雞5件，另外叫左忌廉芝士飯卷。隔左10秒左右，即刻舉手問職員，可唔可以唔要忌廉芝士飯卷改轉牛肉飯卷。職員話唔改得，咁我就話由佢。^^”心諗鬼叫自己唔諗清楚就叫咩，雖然前後10秒都冇，唔改得就唔改得。。。每枱都有水樽自己斟，一坐低其實職員已經比左4碟前菜比客食。泡菜，唔好食但未至於難食；左上角應該係辣蘿蔔？一般。芽菜，比較好食d；菠菜無味，又或者算正常掛。。。整體，唔送仲好。忌廉芝士飯卷，食落去無驚喜普通，整體無咩味。。。之前睇食評有人講過K_C仲好食過佢，原本我都唔信，試左之後，都幾認同果個人講既野。5件其實50蚊內都算平，但唔好食既野，幾多都唔值同唔抵。尼個我最終食左2件就放棄左。佢d蜜糖同件雞格格不入，分離左，可能原味唔落任何野仲好食過加蜜糖。整體麻麻地。全餐最好食係炸雞果碟野上面既醃製白蘿蔔，酸酸甜甜，幾好食。唔會有下次。ps食期間有野飛下飛下，煩住我進食。