HighFive (已結業)

男人一直嘈住話想食間好啲嘅西餐，仲提議去九龍城食，話呢到開左好多小店，一定要去搵下，好過成日都去食商場，次次食完，咀刁嘅我都有怨言。 所以我就上黎開飯喇搵下啦，本來想去chicken n egg覺得佢個名好得意，但食評中有人話佢地態度好差所以唯有轉場黎試下呢間。呢日星期五，我5點幾打去訂7點半嘅位，幸好有禮貌的哥哥話仲有位，咁我就通知男人出發了！一入到鋪就帶左我地坐低，好靜，座位都闊落，坐得幾舒服。然後我地就叫左有骨豬同西冷，見人地係咁推介，當然要試下。西冷叫左7成，上店成數都好準確，男人食完都讚好，話好味，肉夠肉汁，而已冇根，呢個價錢黎講，算幾好啦。然後男人仲大讚我嘅有骨豬好林，好有肉汁，當然啦，我之前都食過類似嘅野，我知道呢種豬鞍是好食的。不要好奇怪的係竟然有成數比我揀，穩陣嘅我一定會揀全熟啦其實如果配菜可以多啲嘅話會比較好，食肉最重要係要同菜同薯泥一齊擺入口先會balance起碼冇咁流啊平時我都好咀刁，今次呢一餐，除左頭盤比較失去，同埋黑松露湯冇落鹽之外，其他都比中上分數！小店繼續努力吧！希望下次黎會有改善！