麵屋一燈 (已結業)

麵屋一燈都幾出名，鍾意食沾麵嘅我一直都好想試，講咗成大半年，終於的起心肝試一試！🤨下晝無乜人唔洗等位，好快就嗌咗呢個魚介濃湯沾麵，都要成$158🙈 上菜時職員都好細心話如果湯凍咗可以翻熱，果然嗰湯食到一半就凍了☺️呢個魚介濃湯濃得嚟唔會太咸，仲有2粒肉丸，唯一可挑剔就真係太快凍🥶麵都夠凍夠彈牙，不錯嘅。最失望其實係啲配菜身上😕首先講下隻溏心蛋，完全唔流心，不如叫實心蛋了🤨第二就係慢煮雞肉同嚿叉燒，無乜味之餘仲好似啱啱係冰箱拎出嚟咁，又凍又硬🥵整體嚟講真係頗失望，覺得比咗$158，照理食物質素會高啲，不過試過就心足了，大概都無下一次了。