水源韓國料理 (已結業)

大埔新開嘅韓國料理，由韓國人主理理應有保証，因為大埔嘅韓國料理水準唔錯，寫呢個食評之前我比咗兩次機會，但冇辦法，要送個劣評比你第一次去食我叫咗海鮮刀削麵小菜有三款，大豆芽菜，翠玉瓜同泡菜味道尚可刀削麵嚟到嘅時候都有一陣海鮮香味先試湯，竟然係淡而冇味再翻翻碗内配料，有蝦有蜆神奇嘅事就發生咗啦蝦頭全部係黑色，家庭主婦應該明白蝦頭要發黑到如此境地，相信佢係冰櫃都放咗好長時間每粒蜆都有沙，草草食完就離開一星期後再比多次機會，今次再試海鮮豆腐湯其實店家服務的確係友善湯嚟到夠滾，抵讚頭一啖湯.......依然係淡而無味蜆仍然係砂可惜雖然佢有炒碼麵但我冇勇氣再試落去