一樂燒臘飯店 (已結業)

入了大埔走了一轉,quota只有一餐,但選擇又好多.一直都想試吓一樂啲燒臘,就試試佢啦.行到入去有個好大既魚缸,如果你係企喺魚缸側邊到,咁你就會喺餐廳既電視見到你.等咗陣就有位.其實員工服務態度都係ok既,特別係一個好似老闆娘既女人,好有禮貌同笑容,所以服務方面係冇問題.佢地除咗燒臘,仲有小菜,但咁遠嚟就緊係食燒臘啦.叫咗燒鵝瀨同燒肉飯.燒鵝係同瀨粉一齊上,啲皮浸住啲湯,當然打咗折扣了.(沒問過可唔可以分開上).但係皮淋咗就真係好難再言係好吃.而肉方面係胸嗰部份,相對係太實,但鵝本身既肉味係濃郁既.至於碟燒肉飯,燒肉皮係脆,但係係屬於硬脆嗰種,碟頭係ok既.但喺市區比呢間質素好既燒臘店都有好多,所以如果特登走入嚟食就真係冇乜需要.佢又唔係差,可能係大埔係佢係屬於比較好.