影片
更多
2020-02-05
2038 瀏覽
聖誕個排見到某平台有團購，就買左黎同屋企人食。買個陣都無留意，而且見評論唔錯，又係明星餐廳，所以對佢都幾大期望。當日去到佢既menu已經同我買個陣唔同左，不過有時餐廳未必入到咁耐同一隻貨，咁我都無乜所謂既。首先係沙律吧就真係好出色，沙律菜全部都好新鮮，都幾好食，我都食左兩轉。湯同麵包就係正常貨色。前菜煙三文魚拿破倫，都唔錯既，酥皮夠脆，係略嫌餡太少。風乾熟成美國優質西冷扒，我呀爸唔係好食生野，所以要求8成熟，睇切面都覺得太生了吧。肉質同肉味食得出本身應該都唔錯，但有兩個問題：第一係岩岩講既太生，第二係太多筋。。。配菜同醬汁ok好食。但係薯條。。。仲衰過m記。。。法國餐廳既薯條係咁樣的嗎？？黑毛豬胺比牛扒好，肉比較紮實，但係調味太咸了。。。我已經食野好重口味，連我都覺得真係好咸。。。但佢既薯蓉好好食，唔似平時連鎖店食到開粉既薯蓉咁，有黑松露味，仲好有口感。點解比人自選要薯蓉定薯條呢？熟成美國腹肉牛扒，除左生熟度無乜問題之外，評價同上面塊牛扒差唔多。。。我就唔再打多次了。。。甜品，少少hea但都算正常，我就唔評論佢了。姐係咁，團購價每人98蚊，上面既牛扒一個加98蚊，一個加28蚊，仲要每人
當日去到佢既menu已經同我買個陣唔同左，不過有時餐廳未必入到咁耐同一隻貨，咁我都無乜所謂既。首先係沙律吧就真係好出色，沙律菜全部都好新鮮，都幾好食，我都食左兩轉。湯同麵包就係正常貨色。
前菜煙三文魚拿破倫，都唔錯既，酥皮夠脆，係略嫌餡太少。
風乾熟成美國優質西冷扒，我呀爸唔係好食生野，所以要求8成熟，睇切面都覺得太生了吧。肉質同肉味食得出本身應該都唔錯，但有兩個問題：第一係岩岩講既太生，第二係太多筋。。。配菜同醬汁ok好食。但係薯條。。。仲衰過m記。。。法國餐廳既薯條係咁樣的嗎？？
黑毛豬胺比牛扒好，肉比較紮實，但係調味太咸了。。。我已經食野好重口味，連我都覺得真係好咸。。。但佢既薯蓉好好食，唔似平時連鎖店食到開粉既薯蓉咁，有黑松露味，仲好有口感。點解比人自選要薯蓉定薯條呢？
熟成美國腹肉牛扒，除左生熟度無乜問題之外，評價同上面塊牛扒差唔多。。。我就唔再打多次了。。。
甜品，少少hea但都算正常，我就唔評論佢了。
姐係咁，團購價每人98蚊，上面既牛扒一個加98蚊，一個加28蚊，仲要每人再加38蚊服務費，圍番都500幾蚊3個人食個lunch。。。主菜肉質本身唔差，配菜（唔係指薯條）係有用心既，所以唔比差評啦。
張貼
