九份飽 (蜆殼街) (已搬遷) 新店位置

特登係荃灣果邊走過黎北角試呢間台式野🙈都幾後悔山長水遠走過黎食🤣佢裝修其實幾得意，幾有趣的。不過野食我覺得就一般般。牛肉麵既牛展比較難咬，我覺得就太韌，湯底正常，成碗野都無乜特別驚喜，最後無食曬鹽酥雞個味道其實幾好，不過就太乾，唔juicy唔多汁，通街既連鎖店既鹽酥雞仲好食。肉鬆蛋餅係全晚最美味的無論係個皮，個醬，個蛋，個餡，都係好食的，大家都好夾，唔搶風頭。仙草既無糖茶，正常發揮芋圓質感好怪，味道一般，最後都食剩。仙草好似涼粉，唔夠嫩滑，珍珠幾煙韌。豆腐花都幾滑，有豆香味，整體一般般。