July Coffee & Co.

營業中

休息中

外賣點餐，負責收錢同事態度一啲都唔友善，好似欠咗佢咁，令人反感。因平日人客唔多，點餐之後我坐喺外面枱櫈等外賣，食物準備好，職員就咁放喺枱上面就掉頭行返入鋪頭，連同客人簡單交代一句都冇，呢啲職員請返嚟倒米。叫咗個香蒜白酒蜆肉扁意粉午餐，配flat white及餐湯，分別意見如下：香蒜白酒蜆肉扁意粉- 可能係我期望太高，以為啲香蒜白酒煮咗蜆肉入味才鋪上扁意粉上面。結果係毫無驚喜，價錢與質素不成正比。估計係執好各種材料後再用微波爐翻熱後款客，扁意粉有扁意粉味、蒜蓉有蒜蓉味，唯獨蜆就只有雪櫃味。Flat white- 香氣淡薄，口感欠佳，有濃濃突兀的酸味。餐湯- 隔離傅記茶餐廳都好飲過佢。整體來講，網上評價都over咗啲，實際食落質素普通，職員態度欠佳，不予推薦。