魚塘鴨子 (已結業)

响圓方食晏基本都要百五蚊起，(除左少量快餐店），一百蚊頭嘅選擇確實唔多。Civic square 經常換鋪，最近就有間新餐廳進駐，見餐牌，1xx 搞掂，即管同幾個朋友突登過嚟試試。裝修的確唔錯，新派中國風，餐具亦有點特色。筷子座係鴨仔造型，配合番餐廳名稱。呢個造型同名稱當然似曾相識，同尖沙咀嗰間鴨子餐廳同一個老細嗎？某d餐椅係高櫈，唔算十分舒適，但有酒吧感覺。 一行五人，今次可以試多d 菜式。咕嚕肉-- 只係普通貨色，好似一早整定，唔夠熱。比較可取嘅係佢地選用新鮮菠蘿口水脆皮雞 -- 個名就夠吸引，可惜，有幾「脆」呢？我俾零個「 脆」! 辣味欠奉，雞肉亦冇咩味。陳年老醋小排骨 --味道一般，陳醋唔夠香，排骨肉質偏硬鳳梨魚柳-- 同樣係新鮮菠蘿，魚柳算脆麻婆豆腐-- 我本身唔係好食得辣嘅，都嫌辣味太少。豆腐又唔特別滑。炸醬麵 -- 一個字：鹹！ 炸醬又唔香。唉！朋友話擔擔麵比較好味。呢度純粹食裝修，响圓方一百蚊頭而又比呢間難食嘅餐廳都存在嘅。但係响其他地方俾呢個價錢絕對可以食得更好。