屯の大阪章魚燒 (已結業)

本身好少機會入屯門，今次有機會去屯門，見到附近有間好出名既章魚燒，當然要去試下，但估唔到買一盒章魚燒要等成45分鐘，見佢咁受歡迎等一次半次都無妨。係周圍行到腳斷先過左一陣，雖然係即叫即燒，但一個小食類既食物要等咁長時間真係有啲扣分，唔等都等左一段時間，點都頂埋去。終於都等到，可以食得，外型都幾吸引，仲有好多木魚絲。一試之後，發覺無想像中咁好食，中間只係得一粒章魚無其他野，雖然章魚燒個心軟綿綿，但外皮唔夠脆，而且沙律醬同燒汁可以再多少少，因為覺得唔係幾夠味。只可以講同日本食到既章魚燒好似，但唔係我食過最好食既章魚燒。