影片
更多
2025-01-23
570 瀏覽
有日係尖沙咀行街 咁啱經過呢間餐廳平時係社交媒體網站見到好多人都推 openrice亦有唔少好評就諗住同friends一齊試下·韓式雞肉火鍋（L） $478手機落單見到蒜泥可以揀另上 亦都可以走蔥啲年糕份量都足 入面亦有幾舊薯仔但可能係因為蒜泥同蔥冇同個湯一齊煲就變左係好普通嘅雞湯如果食唔到蒜/蔥嘅朋友就未必啱食因為佢成煲嘅調味就係靠啲蒜同蔥（友人之前食過有落蔥蒜嘅辣炖雞湯佢覺得會重味啲但都係比想像中普通）·烏冬（火鍋配料）$30非常普通嘅急凍烏冬 ·炒飯(add on only) $50食完個燉雞之後我哋再額外加多咗份炒飯呢個係一定要有叫燉雞煲先可以落單會有staff過嚟攞走個煲入廚房喺廚房炒完個飯再攞出嚟俾返我哋個炒飯入邊就係加咗芽菜同紫菜一齊炒應該係落咗豆瓣醬做調味 好重嘅豆豉味我哋一次食完都覺得好普通·拉絲粟米 $60呢個拉絲粟米就係極普通嘅粟米表面放左芝士燒融 最後再係中間唧少少醬本身以為粟米都會有調味但食落就似係普通烚嘅粟米粒上到枱真係要即刻撈匀先得 如果唔係好快就凝固 會變左一大餅嘢如果考慮埋價錢$60 會建議大家叫其他嘢食·蟹籽紫菜飯團 $70呢間嘅手握飯團比起平時食開
平時係社交媒體網站見到好多人都推 openrice亦有唔少好評
就諗住同friends一齊試下
·
韓式雞肉火鍋（L） $478
手機落單見到蒜泥可以揀另上 亦都可以走蔥
啲年糕份量都足 入面亦有幾舊薯仔
但可能係因為蒜泥同蔥冇同個湯一齊煲
就變左係好普通嘅雞湯
如果食唔到蒜/蔥嘅朋友就未必啱食
因為佢成煲嘅調味就係靠啲蒜同蔥
（友人之前食過有落蔥蒜嘅辣炖雞湯
佢覺得會重味啲但都係比想像中普通）
·
烏冬（火鍋配料）$30
非常普通嘅急凍烏冬
·
炒飯(add on only) $50
食完個燉雞之後我哋再額外加多咗份炒飯
呢個係一定要有叫燉雞煲先可以落單
會有staff過嚟攞走個煲入廚房
喺廚房炒完個飯再攞出嚟俾返我哋
個炒飯入邊就係加咗芽菜同紫菜一齊炒
應該係落咗豆瓣醬做調味 好重嘅豆豉味
我哋一次食完都覺得好普通
·
拉絲粟米 $60
呢個拉絲粟米就係極普通嘅粟米
表面放左芝士燒融 最後再係中間唧少少醬
本身以為粟米都會有調味
但食落就似係普通烚嘅粟米粒
上到枱真係要即刻撈匀先得
如果唔係好快就凝固 會變左一大餅嘢
如果考慮埋價錢$60 會建議大家叫其他嘢食
·
蟹籽紫菜飯團 $70
呢間嘅手握飯團比起平時食開個啲多左黃蘿蔔
味道就係想像到嘅味 冇話特別好食/唔好食
如果多人一齊食嘅話叫1個一齊share都ok
不過手套淨係俾左一隻
要單手捏所以其實唔係好捏到成一個飯團
唔知係本身就淨係預你用手套撈匀再用羹食
定真係俾少左隻
·
整體嚟講就真係一間好普通嘅韓式餐廳
性價比偏低味道亦都同韓國好大差別
食物以燉雞為主 其他食物選擇唔算多
除非真係好想食燉雞/想試吓呢間
如果單純想食韓國嘢/想多啲菜式選擇
相同嘅價錢去食其他餐廳會好
張貼
