摩豆 (已結業)

雞蛋仔係香港隨處可見嘅小食，要突圍而出就要俾d花款，玩下gimmick。之前見網上都有推介呢間小食店的雞蛋仔同夾餅，賣點係佢夾咗d好邪惡嘅餡料，好似芝士呀、金莎朱古力呀咁。呢日行過經過，見佢menu d 相幾吸引就去試試。流心蜂蜜嗰款d蜜糖溜出嚟個樣...真係超吸引，所以就order 咗流心蜂蜜雞蛋仔。點知...我都明照片同現實係會有距離嘅，但係...我本來以為佢d蜂蜜，就算唔係心太軟咁流出嚟，都會食到雞蛋仔入面好似d夾心蛋糕咁有pat蜂蜜餡喺入面...點知原來係每粒雞蛋仔入面放咗1-2粒爆爆珠(平時放糖水嗰d)，蜂蜜味並唔突出，流心嘅效果...真係令我有點失望...