德成號

營業中

休息中

最近轉了工作，在北角返工，放Lunch時行行下見到呢間老舖，只賣蛋捲。我見到呢d老店都想支持下，因為而家香港都好少有，而且睇食評蛋捲質素應該幾高。不過每次行過舖頭都寫”額滿”，原來好早就賣哂。唔緊要，見到個價目表有電話，歡迎訂購，所以就打左去訂。我當時係有禮貌地問: 唔該想訂蛋捲，點知個員工既態度好差，佢答: 唔係您話訂就有得訂架喎，唔係今日訂完聽日有得拎架！您要下個月xx號打黎訂，之後再下2個月先有得拎。佢回覆態度好差，其實我唔係話唔可以等，或者唔想下個月打返黎，但佢d員工既態度係令我唔想再打黎訂。寫呢個評價唔係想發洩，只係想話比其他有心想買呢間蛋捲既朋友知道個事實係點，訂唔訂就您地決定。不過我就唔會再打去，有心買野好似比人鬧返轉頭，唯有支持下其他老店。