影片
更多
2013-09-08
727 瀏覽
早幾日約左朋友到孖沙街的malaymama食肉骨茶，期待很久了~~~我們2人避過中午的人潮，約2點鐘到達，仍然仲有3枱客未走，只好坐側邊面壁的椅子了。（店內只有3張橫枱，側邊1張面壁的長窄枱）我們點了淨肉骨茶、傳統喇沙選配雙拼（油麵加米粉）、傳統蝦麵就配米粉、青檸梳打同凍薏米水。飲品先到，等食期間店員主動提議我們轉到中間即將埋單的大橫枱，都有幾貼心的感覺。肉骨茶出場了，飲啖湯有陣陣藥材味又易入口，D湯亦夠咸。一心諗住的豆卜吸曬D湯，一定好好味，但可能D豆卜最後先放或放得未夠耐，豆卜𥚃邊冇咩味。好彩D排骨入味之餘又鬆又軟，好好味。下次一定配米粉，索曬D湯，一定更好食。因為今次食完其他嘢，D湯已經凍左，嘥咗。傳統喇沙，內有雞絲、蝦、豆卜、芽菜、矮瓜。飲一啖湯好重椰味，初初入口唔多覺辣，以後D辣味就由喉嚨發出來。哈哈！立即飲返一啖薏米水解解辣。雙拼（油面加米粉）食落又幾有口感，幾特別喎！而傳統蝦麵，內有蝦、豬肉片、通菜。我們今次個蝦麵好食過喇沙，啖蝦湯超甜，D米粉又索曬D湯好入味，令人回味。如果下次再來，一定試佢地的魷魚通菜和加也多士
早幾日約左朋友到孖沙街的malaymama食肉骨茶，期待很久了~~~
我們2人避過中午的人潮，約2點鐘到達，仍然仲有3枱客未走，只好坐側邊面壁的椅子了。（店內只有3張橫枱，側邊1張面壁的長窄枱）
我們點了淨肉骨茶、傳統喇沙選配雙拼（油麵加米粉）、傳統蝦麵就配米粉、青檸梳打同凍薏米水。飲品先到，等食期間店員主動提議我們轉到中間即將埋單的大橫枱，都有幾貼心的感覺。
肉骨茶出場了，飲啖湯有陣陣藥材味又易入口，D湯亦夠咸。一心諗住的豆卜吸曬D湯，一定好好味，但可能D豆卜最後先放或放得未夠耐，豆卜𥚃邊冇咩味。好彩D排骨入味之餘又鬆又軟，好好味。
下次一定配米粉，索曬D湯，一定更好食。因為今次食完其他嘢，D湯已經凍左，嘥咗。
傳統喇沙，內有雞絲、蝦、豆卜、芽菜、矮瓜。飲一啖湯好重椰味，初初入口唔多覺辣，以後D辣味就由喉嚨發出來。哈哈！立即飲返一啖薏米水解解辣。雙拼（油面加米粉）食落又幾有口感，幾特別喎！
而傳統蝦麵，內有蝦、豬肉片、通菜。我們今次個蝦麵好食過喇沙，啖蝦湯超甜，D米粉又索曬D湯好入味，令人回味。
如果下次再來，一定試佢地的魷魚通菜和加也多士
張貼
