影片
更多
2019-08-19
80 瀏覽
我諗打邊爐嘅次數同郭富城差唔多🥳但係日式火鍋入面竟然有冬陰公湯底真係第一次見，所以好奇心驅使下我就做勇者試一試佢🍲我諗好多人都食過牛陣，唔會覺得陌生，而且對佢啲牛肉嘅質素都有信心。穀飼上級牛肉套餐個冬陰公湯底首先係用一舊牛肉嘅肥膏炒香左蝦同埋魷魚，然後再倒入秘製嘅冬陰公湯料同埋湯底。如果好似我咁唔食得辣嘅朋友就記住唔好放咁多辣椒，因為佢會另外有一盆香料俾大家自己根據口味去調配出最啱自己心水嘅湯底。個湯底好濃郁，可能因為我冇放辣椒，湯底本身都唔係話辣到完全食唔到🥵餐入面包括左海鮮拼盤(墨魚，蠔，帶子)，牛舌，極上牛肉，豚肉。淨係聽個名都已經覺得好吸引！對於一個牛肉愛好者，呢個極上牛肉同埋牛舌真係好好食，淥十秒就可以食，牛肉好嫩滑，而且都幾新鮮，以二百鬆啲既價錢就可以食到，真係物超所值！而另外有啲蔬菜類同埋熟食係可以自己出去自助形式咁拎。如果有啲鍾意食多啲蔬菜嘅朋友應該會覺得呢個係天堂，就算連萵筍同埋羽衣甘藍呢啲比較高級嘅菜都係俾大家任食架！飲品放喺雪櫃大家可以任拎，又要再強調多次雖然只係$200嘅價錢，但係餐廳絕對冇吝嗇，連Asahi啤酒都係無限任飲㗎！另外仲有啲台式飲品例如冬瓜茶，翡翠
穀飼上級牛肉套餐
個冬陰公湯底首先係用一舊牛肉嘅肥膏炒香左蝦同埋魷魚，然後再倒入秘製嘅冬陰公湯料同埋湯底。如果好似我咁唔食得辣嘅朋友就記住唔好放咁多辣椒，因為佢會另外有一盆香料俾大家自己根據口味去調配出最啱自己心水嘅湯底。
個湯底好濃郁，可能因為我冇放辣椒，湯底本身都唔係話辣到完全食唔到🥵餐入面包括左海鮮拼盤(墨魚，蠔，帶子)，牛舌，極上牛肉，豚肉。淨係聽個名都已經覺得好吸引！對於一個牛肉愛好者，呢個極上牛肉同埋牛舌真係好好食，淥十秒就可以食，牛肉好嫩滑，而且都幾新鮮，以二百鬆啲既價錢就可以食到，真係物超所值！
而另外有啲蔬菜類同埋熟食係可以自己出去自助形式咁拎。如果有啲鍾意食多啲蔬菜嘅朋友應該會覺得呢個係天堂，就算連萵筍同埋羽衣甘藍呢啲比較高級嘅菜都係俾大家任食架！
飲品放喺雪櫃大家可以任拎，又要再強調多次雖然只係$200嘅價錢，但係餐廳絕對冇吝嗇，連Asahi啤酒都係無限任飲㗎！另外仲有啲台式飲品例如冬瓜茶，翡翠檸檬綠茶等等，實有一款啱大家口味🤩
到最後最後打完邊爐點都要食返個甜品啦！壓軸出場嘅就係Häagen-Dazs雪糕任食！當日有綠茶味，士多啤梨味，朱古力味同埋最受大家歡迎嘅雲呢拿味🤤打完呢個邊爐就會對放題嘅要求高咗好多😂
張貼
