利寶閣 (已結業)

係澳門玩咗一晚，真係好攰，啱啱中午12點落船。好鬼肚餓，就不如同朋友食埋晏先散Band。朋友提議不如到利寶閣飲茶，都好呀，有一陣冇飲過茶。呢到先發現原來佢哋做緊期間限定嘅兩小時點心放題才$148。其實都唔係好喜歡放題，睇一睇有咩食，裏面有點心，特色粉麵飯，煎炸，大排檔小食，腸粉，健康蔬菜，甜品，小食，最後大家都話一齊試吓佢。個餐每位會送上原隻鮑魚酥，同埋花膠灌湯餃。鮑魚酥鮑魚好入味，好淋，酥皮做得好香。花膠灌湯餃，湯好入味。另外花膠都好大舊。另外點心梗係點蝦餃，蝦新鮮彈牙質素好高。另外點了一些其他點如鮑汁鳳爪，排骨，蒸飯，鮮竹卷一大堆。一班朋友真的食得好開心。