影片
更多
2021-11-08
833 瀏覽
呢間位於觀塘嘅樓上cafe唔單止貫徹木系風格，原來仲係一間木工嘅工作室，店內大部分空間都係展示佢嘅木製產品同傢俬，而且時不時會有workshop可以親自學整木工，有機會我都想玩下😛😛呢度另一邊就係cafe部分，位置唔多，不過木系傢俬同植物元素都令人感覺好舒服。Tiramochi 只係週末供應嘅甜品，用上膠盒盛載，比較細份少少同埋無咁美觀，不過三十幾蚊嚟講價錢算係合理。Tiramisu非常濕潤，手指餅滲出咖啡味，整體質感軟滑，只係唔嗜甜嘅我覺得可以減少少甜。中間夾咗層mochi，不過有啲奇怪嘅係黃色薄薄一層而非白色厚身嘅麻糬，口感都係煙靭但唔軟糯，唔似用糯米粉／木薯粉整🤔🤔Dirty偏向nutty嘅豆，咖啡嘅苦味濃郁，味道還可以。人均消費：$60推介指數（10分為滿分）：6.5分
Tiramochi
只係週末供應嘅甜品，用上膠盒盛載，比較細份少少同埋無咁美觀，不過三十幾蚊嚟講價錢算係合理。Tiramisu非常濕潤，手指餅滲出咖啡味，整體質感軟滑，只係唔嗜甜嘅我覺得可以減少少甜。中間夾咗層mochi，不過有啲奇怪嘅係黃色薄薄一層而非白色厚身嘅麻糬，口感都係煙靭但唔軟糯，唔似用糯米粉／木薯粉整🤔🤔
Dirty
偏向nutty嘅豆，咖啡嘅苦味濃郁，味道還可以。
人均消費：$60
推介指數（10分為滿分）：6.5分
張貼
