影片
更多
2017-11-11
460 瀏覽
木嘴對粉嶺呢個地方真係越黎越有好感，繼之前黎完食左間正野之後，今次又俾我發掘到另一間令我食完之後覺得一定要寫食評介紹既鋪頭。話說木嘴又咁岩黎開粉嶺，又咁岩喺fb見到呢間新開新店既介紹，又話咩街坊激讚，又話大廚曾經喺新加坡攞過大獎，既然係咁，就試下睇下係咪真係咁正。木嘴下午兩點半去到，店外面好多人等緊位，呢個現象對於喺粉嶺開既食肆真係比較少見。等左一陣，終於入得。個餐牌上面都算有幾多選擇，但既然佢主打係海南雞飯，咁木嘴就決定試下呢個。木嘴既朋友就叫左個喇沙牛腩米粉。海南雞飯個賣相好靚，令木嘴食慾大增。佢d雞果然係好滑，而d飯並唔係普通白飯，而係落左d特別汁落去。而個set仲配有一碗湯，木嘴唔知佢日日唔同定點，今日果碗就係木瓜紅蘿蔔湯，明顯用好多料落去煲，亦明顯無落味精，完全feel到呢間餐廳既誠意。至於個喇沙牛腩米粉，木嘴估唔到竟然會有d辣，但因為木嘴鐘意食辣，所以覺得好正好開胃。而佢d牛腩又夠林份量亦都多，真係幾唔錯。成餐飯最有趣既地方係，幾乎所有枱既食客都同老闆講佢地係睇到新假期/openrice而慕名而來。老闆一臉黑人問號咁話自己無喺上面宣傳過，所以都唔知有人幫佢介紹間餐廳，亦都無
話說木嘴又咁岩黎開粉嶺，又咁岩喺fb見到呢間新開新店既介紹，又話咩街坊激讚，又話大廚曾經喺新加坡攞過大獎，既然係咁，就試下睇下係咪真係咁正。木嘴下午兩點半去到，店外面好多人等緊位，呢個現象對於喺粉嶺開既食肆真係比較少見。等左一陣，終於入得。
個餐牌上面都算有幾多選擇，但既然佢主打係海南雞飯，咁木嘴就決定試下呢個。木嘴既朋友就叫左個喇沙牛腩米粉。
海南雞飯個賣相好靚，令木嘴食慾大增。佢d雞果然係好滑，而d飯並唔係普通白飯，而係落左d特別汁落去。而個set仲配有一碗湯，木嘴唔知佢日日唔同定點，今日果碗就係木瓜紅蘿蔔湯，明顯用好多料落去煲，亦明顯無落味精，完全feel到呢間餐廳既誠意。
至於個喇沙牛腩米粉，木嘴估唔到竟然會有d辣，但因為木嘴鐘意食辣，所以覺得好正好開胃。而佢d牛腩又夠林份量亦都多，真係幾唔錯。
成餐飯最有趣既地方係，幾乎所有枱既食客都同老闆講佢地係睇到新假期/openrice而慕名而來。老闆一臉黑人問號咁話自己無喺上面宣傳過，所以都唔知有人幫佢介紹間餐廳，亦都無特別入多左食材，搞到好多食物好早已經售罄。木嘴本身仲想叫個麥皮香蕉做甜品，但老闆非常之唔好意思咁話香蕉都賣晒無貨了。
呢間鋪頭應該係一家三口開，雖然因為突然既多客人做到踢晒腳，但都一直非常好禮貌。無論係服務態度同食物質素，木嘴都覺得無得輸，希望佢地之後可以繼續保持到。
張貼
