金邊粉泰國菜

營業中

休息中

木嘴早兩日咁岩有d事，同屋企一行六人入左粉嶺一轉。心諗荒山野嶺，d食鋪應該好食極有限，不過無所謂，木嘴覓食既目的只係醫肚，好唔好食只係其次，但估唔到入左間令木嘴覺得驚喜既泰國餐廳。木嘴一行人去到已經係下午三點左右，由於未食lunch，所以大家都餓到手軟腳軟，一坐低就瘋狂嗌佢d下午茶餐。最後嗌左香辣肉碎炒飯，泰式炒河，海南雞飯，金不換炒金邊粉。另外仲嗌左兩個小食tea set，有豬扒配薯條同香茅雞中翼配泰式麥樂雞。香辣肉碎炒飯海南雞飯豬扒配薯條唔知係咪見到我地個個軟晒無力就死咁，嗌完餐之後好快就上晒所有食物。一食所有人都覺得眼前一亮，因為完全估唔到會喺無期望既情況下竟然食到d味道咁好既食物。木嘴可能味覺分唔到太多層次，但真係覺得呢間鋪既食物同出面貴價泰國菜有得揮。埋單既時候先係最大驚喜，呢一餐令六個成年人由飢荒狀態食到個肚腩大過金正恩，但埋單竟然係$199。木嘴我見到張單即刻由木嘴變O嘴，無野呀平到咁？又平又抵食既泰國餐廳真心推介，木嘴下次入開粉嶺一定會再encore。