橫浜街場 (已結業)

平時馬辣湯底芝士湯底都聽得多 依家香港人講求健康藥膳湯底亦都越嚟越出名 今次我經過旺角top商場附近就比呢間鋪頭嘅藥膳湯底吸引左入去入到鋪頭入邊第一印象覺得裝修唔錯湯底有木桶形式上感覺幾有特色 當湯底滾左之後熱湯會係木桶邊流出 店員話咁樣可以防止客人飲埋啲油 湯底我哋選擇咗花膠螺頭雞湯 同其他普通唔同呢度嘅湯都幾足料 入面有好多舊雞同埋幾舊螺肉 最特別嘅係木桶嘅底部有一啲石頭可以防止個湯滾瀉火鍋嘅配料同平時打邊爐見到嘅差唔多但係覺得呢間鋪頭嘅店主幾細心 識得為顧客着想例如識得隔油防止個湯滾起等等不過呢度嘅價錢就略微貴左少少 但講究健康嘅朋友都可以試吓