KoBaNe by Minimal

營業中

休息中

餐廳裝修以木系為主，感覺舒服。由於我地好晏先去到，出名既甜品都已經賣晒，唯有下次再去。薑燒汁雞扒定食$135依個薑燒汁雞扒定食，雞扒煎得岩岩好，夠嫩滑，咬落去啖啖都係肉汁，啲薑燒汁又香又濃。味噌燒比目魚定食$135魚皮燒得好香脆，而魚肉都好嫩滑而且有淡淡油香味。另外每個定食都會有前菜，湯同配菜，每樣都十分出色當晚前菜有椰菜包配蘿蔔，椰菜包住左肉丸，肉丸同蘿蔔都好夠淋，蘿蔔雖然咸左d，但配埋白飯食岩岩。雖然係簡單既面麵豉湯，但都好足料。配菜都好用心，係自家制既雞肉丸，因為雞肉丸除左有食到軟骨，仲混左香草既味道，好特別。佢用既米都好有質素，既埋飯素食一流。