Hosea

營業中

休息中

呢晚係九龍城有d 野做，之前順便約朋友係度食飯路經呢間餐廳，見menu 唔太貴，就入去一試，舖頭唔太大，裝飾簡單，行木系風格，坐得幾舒服。我同朋友都心意食牛扒，所以都叫左同一個set, 另再加叫個意粉。首先送上餐湯，呢晚既餐廳係蕃茄湯，蕃茄湯好濃，酸酸的非常開胃。等了一會，便送上主菜紐西蘭肉眼扒伴時蔬我和朋友都揀七成熟，我喜歡呢個熟到，因太熟會太韌，宜家就啱啱好，肉質剛好，好有牛味。配菜既薯仔係我最喜歡既薯仔，美味。另加既意粉，係另上，用蒜蓉炒過既意粉，所以十分香，再配上牛扒既汁，一流。呢間餐廳，最欣賞係環境，好舒服，廁所都好乾淨，我同朋友坐到餐廳last order 。職員服務很好，會不定期過來幫我地加水。一間好適合同好朋友來吹水既餐廳令我有個開心的晚上。