Peko Peko Eatery (勝利道)

營業中

休息中

今晚喺旺角行吓行吓, 行咗去太平道附近, 原來附近有好多寵物店㗎, 之後見到 ❥⧽Peko Peko Eatery ❥⧽ 幾靚就入去食晚飯咯。餐廳以木色為主, 位與位之間都好有距離, 感覺好舒適。𓊈扇貝 ✧ 明太子意大利麵 $𝟷𝟹𝟾𓊉面層有扇貝同魷魚, 2 樣都剛剛好, 新鮮軟腍。明太子汁比較稀身, 但味道唔會淡, 好creamy, 明太子味亦好香, 所有嘢加埋一齊真係好好食, 大力推介!𓊈藍尾鱈魚西京燒 $𝟷𝟾𝟾𓊉鱈魚西京燒甜甜地, 鱈魚肉質嫩滑, 下層嘅粟米好甜, 而配菜有菇, 蘿蔔仔, 蓮藕片同蒟蒻。最特別係最底層嘅墨汁薯蓉, 有淡淡牛油香同墨汁味, 幾好味。𓊈Caesar $𝟽𝟾𓊉沙律菜份量都幾多, 沙律醬帶少少甜酸味, 面層有幾塊用芝士燒成嘅脆片, 酥脆好味。𓊈薄荷菠蘿特飲 $𝟺𝟸𓊉杯特飲青青綠色幾靚, 味道好重薄荷味, 有少少似食緊薄荷糖。