GOOF (已結業)

呢間咖啡店主要係用木系設計，裝修簡單明亮，令人一眼望入店好有空間感，Menu都冇花巧既設計，入面既每個座位都好寬闊而且都會相隔一個一定既距離，真正可以享受一個優閒既下午｡至於食品方面，呢度就以咖啡同甜品做主打｡我地先叫左佢既Tiramisu Croffle Pops牛角包窩夫，個賣相好靚好岩鍾意打卡既大家，佢食落外面就好脆但入面Keep到軟軟地，仲有份濃郁既奶油味，面頭配有一層厚厚既忌廉加上咖啡粉，旁邊配有一枝小試管可以比客人唧啲咖啡係牛角包窩夫入面，因應大家喜歡既咖啡濃度自由調整味道｡之後就叫左杯Latte, 咖啡既拉花一杯係普通既心心圖案一杯我估係佢地logo既圖案佢相比起我飲過既其他Latte感覺都帶有牛奶味但略帶點苦，平時唔落開糖既我都落左小小中和一下，咖啡相比起甜品黎講較為平傭｡想優閒食下小甜點既黎呢度都係不錯既選擇，大家可以試試。