木船泰國粉麵專門店 (已結業)

太和呢幾條街好多野食，今日lunch就食泰國菜( ´▽｀).招牌豚肉飯- 汁燒黑豚腩肉飯！成個飯俾一堆高過佢嘅青木瓜沙律蓋住，基本上啲青木瓜沙律係高過個飯，我覺得青木瓜沙律分開食會比較好，但同行嘅朋友就話撈埋一齊食別有一番風味( ´▽｀)揭開堆沙律之後下邊就有滿滿嘅燒豚肉，塊燒得啱啱好，厚實之餘仲好juicy，估唔到豚肉底下面仲有流心蛋，超級驚喜，撈飯食一流！絲網春卷$18估唔到有三件，春卷仲要啱啱炸好就上枱，熱辣辣脆卜卜超級好食，想食小食嘅話就推薦呢一款啦馬拉盞炒通菜呢碟通菜真係嚇親，係大碟都嚇親，相信四個人嚟食都夠食！